கதை சங்கமம் நாவல் போட்டி 2021 - பேசலாம் வாங்க

[Abirami]

KS 82 காதல் சொல்ல வந்தேன்

யோசி யோசி
இருவரின் மனதிலும் காதல் வந்த பின்னும், இருவருமே மற்றவரின் மனதை அறிந்துக் கொண்டு தங்கள் காதலை சொல்ல காத்திருக்கும் கதை.

பிடித்த கதாப்பாத்திரம்

முகிலன் :
தாயோடு நண்பனை போல பழகும் மகன், எல்லாரையும் மரியாதையோடு அழைக்கும் பாங்கு, வர்ஷாவின் மேல் வைத்த அன்புக்கு இறுதி வரை மரியாதை செய்தது எல்லாமே சூப்பர்.

ஸ்லோகன்

முகிலோடு(முகிலன்) சேரும் மழை(வர்ஷா)யாகிப் போக,
காத்திருக்கும் மழைமேகம் அவர்கள் காதல்!!

 

[Abirami]

KS 119 காவலனே நீ காதலன் ஆனாய்(ல்)

யோசி யோசி
ஊரைக் காக்கும் காவலன் அவன், சந்தியாவின் காதலன் ஆகி போனான்... அவர்கள் இருவரின் காதல் போராட்டங்கள் நிறைந்த காதல் கதை.

பிடித்த கதாப்பாத்திரம்

சந்தியா மோகன் :
வக்கீலாக இருக்கும் வீரம் நிறைந்த பெண்ணவள். அவளின் காதலுக்கு வரும் எல்லா துன்பங்களையும் பொறுத்து காதலை அடைபவள். தன்னவனின் மேல் விழுந்த கரையினை துடைத்து ஏறிய போராடியவள்.

ஸ்லோகன்

பல சத்ய சோதனைகள், சதிகள் தாண்டி வாழும் இருவரின் காதலே
சத்யா சந்தியாவை சேர்த்து வைக்கும் காவலனாகிறது!!

 

[Abirami]

KS 30 நீயே காதலோவியம்

யோசி யோசி
வண்ணமயமாக சித்திரத்தை தீட்டுபவனுக்கும் சித்தாரா என்னும் இசை காதலிக்கும் இடையில் இருக்கும் அழகிய காதல் ஓவியமே கதை.

பிடித்த கதாப்பாத்திரம்

இசை வண்ணன் :
தன் காதலின் மேல் அளவில்லாத நம்பிக்கை கொண்டு, காதலியின் தாழ்வு மனப்பான்மையை மாற்றி நல்ல வாழ்க்கை அமைத்துக் கொண்டவன். தாயின் மேல் கொண்ட பாசத்தால் அவரை மதித்து வந்தவன். சித்தாராவின் லட்சியத்தை நிறைவேற்றியவன்.

ஸ்லோகன்

வண்ணங்கள் நிறைத்த சித்திரமானவனை சித்திரபாவையவள் இசையால் நிறைத்துவிட்டாள்!!

 

[Abirami]

KS 31 காதல் வானிலே

யோசி யோசி
வானில் இருக்கும் சூரியன், சந்திரன், நட்சத்திரங்களை போல காதல் என்னும் வானில் சிறகடித்து பறக்க தான் காதல் மனது ஏங்குகிறது.

பிடித்த கதாப்பாத்திரம்

இளங்கோ :
காதல் மனைவியவளை படிக்க வைத்து நல்ல நிலைக்கு கொண்டு வந்தவன். அவள் இறந்த போதும் அவளை மட்டும் நினைத்து வாழ்ந்தவன். துன்பத்தை மட்டுமே பார்த்து துவண்டவனின் மனதில் இருந்த காதல் என எல்லாமே சூப்பர்.

ஸ்லோகன்

தன் நில(லா)வை சேர துடிக்கும் இளவரசன்(இளங்கோ) அவனின் காதல் வானமிது!!

 

[Abirami]

KS 32 இமைதேடும் காதலே

யோசி யோசி
காதல் என்பது கண் போன்றது, காதலிப்பவர்கள் தங்கள் துணையின் இமை தேடி அதன் நிழலில் இளைப்பாறவே காத்துக் கிடக்க வைக்கும் காதல் இது.

பிடித்த கதாப்பாத்திரம்

பிரகலத்தன் :
பக்குவம் இல்லாத பருவத்தில் தன் மீது காதல் என்ற பந்தத்தோடு வந்தவளுக்கு சரியான திசையை காட்டியவன். காதலியின் மேல் கொண்ட அளவில்லாத காதலின் வெளிப்பாட்டை மறைத்து தட்டுத் தடுமாறினாலும் தடம் மாராதவன். தங்கள் அன்பை உரைத்தி அவளின் கைப் பிடித்தவன்.

ஸ்லோகன்

அவன் பூனை கண்களில் விழுந்த எழில்
அவன் மீசை முடிகளை இழுத்து
விளையாடும் பூனையாவாளோ!!